غيرتكم جذب
انجفه مو كد اهلنا واصبح ارماد
وفناجينه ادمعت من نوح الادلال
------
اهلنه من حجو يحجونها ابتوزفرحنه من
وكع تمثال صدام بعد ايام طلعن الف تمثال
------
مل حتى الصبر من صبر العراق
ولا نوبه اشتكى الشماته وكال
------
عكر رجليه فوك الساتر وصاح
انه ابن الفرات وابن الجبال
------
انه الماخون ناسي وطبعي معروف
انه الاركض اشيل الحمل لو ما ل
------
انه شمس العراق ورعده اجوريد
انه الماخاف من جلمات الانذال
------
انه المابيع كاعي اشلون تنباع
باعوها ابفخر حفنه من الارذال
------
انه وياكم حرب اخر نفس با الروح
وتعرفون العراقي من يكول افعال
------
انتم بس حجي وحجايه با الدين
واذا اعد الزلم ما اعدكم ارجال
------
انه الماانسه جلادي الجلدني اسنين عفتوه
وتحزمتم علينه ابذبح الاطفال
------
غيرتكم جذ ب لتكلي العراق
من طاح العراق ليش منشال
------
عمايمكم جذ ب مابيه كل دين
قاصه اشلون بيها اتجمع المال
------
انه اذكر اتحاصرنه اعلى الجبال
ونخيناكم ولا واحد فزع منكم يل ابطال
------
انه اعرفكم عرف مو عرفه اليوم
لبستو الدين ثوب موش اقوال
------
لان ادري المباديء عيب تنباع
يلجبتو حكم بعتوها بسلال
------
نسيتوه الشعب والمهم محروسين
خلوه الشعب ينزف مثل شلال
------
جاوين الحجي ومزامطك ذاك
شو حجيك صبح جن حجي الدجال
------
انه الصاير على المستور والله
واخاف من الجزع واحجي ويه العيال
------
لجن حد الصبر لهنا بعد بس
وخليكم علج بحلوك الاجيال
------
الشاعر ابو حيدر اللامي
هولندا
allami1959@yahoo.com
